Waayo Algoyahan?
Waa maxay algoyahan.com? Maxaan u sameeyay mareegtan?
Aqri qormadan si aad uga bogato arrintaas . . .
Waa maxay mareegta algoyahan.com
Algoyahan sida magacaba ka cad waxa aan ka soo gaabiyay algorismeyahan; oo macneheedu yahay qofka ku xeeldheer aqoonta Algorismeyaasha.
Algorisme waa tallaabooyin cayiman oo la qaado si loo gaaro yool.
Waa mareeg aan ku uruuriyo nuxurka farsamada sameynta softiweerada. Ka dheeho algoyahan.com/notes
Sidoo kale waxaan ku qoraa fikrahadaha iga dhex guuxaya shaqsi ahaan. Ka dheeho algoyahan.com/blog
Sababka aan u sameeyay algoyahan.com
Mareegtan waxa aan u bilaabay labo sababood: nafteyda & dadkeyga ina ay ku intifaacaan.
Waxaa jira xeer caan ka ah farsamayqaanada softiweerada dhexdooda; kaas oo oranaya: adeegso ama lumi. Waxaa loola jeedaa ama adeegso aqoontaada softiweerka oo wax ku samee ama waad hilmaami doontaa oo waxkumataal ayuu noqonayaa dadaalkii aad galiday si aad u kasbato aqoontaas. Haddaba si aan u xusuusnaado qeybaha iyo fikradaha aan ugu jecelahay farsamadaan, waxa aan go'aansaday in aan nuxurkooda aruuriyo oo qoro.
Waxaa kale oo muhiim ah la wadaagidda nuxurkaasi maskaxaha yaryar, ee firfircoon ee daneyneya barashada farsamada softiweerka. Waxa aan rajaynayaa in Algoyahan uu qeyb weyn ka qaatto caawimaadda dhallinyaro badan oo fiilkan ku jira oo aan u badbaadiyo saacado badan oo ay ku bixin lahaayeen kasbashada nuxurka farsamadaan.
Taasina waxa ay qayb weyn ka qaadan doontaa dibudhiska iyo soo kabashada dalka.